الدراما الرمضانية وصورة المسيحية!

Posted: يونيو 26, 2016 in الكتابات العامة, تدوينات سريعة, تعليقات وردود

الدراما الرمضانية وصورة المسيحية!

أبو المُنتصر محمد شاهين التاعب

مأمون-88

 

منشور لواحدة مسيحية بتحاول تدافع فيه عن المسيحية

هي شايفه إن الدراما الرمضانية للأسف يا حرام بتسوَّء صورة المسيحية!

عشان كده كتبت منشور بسيط عشان تصحح الأفهام والتصورات، والمنشور أخد 24 ألف لايك!

 

بغض النظر هي كاتبة الكلام ده عن اقتناع إن هي دي المسيحية فعلاً

أو كاتبة الكلام ده لمُجرَّد الدفاع عن دينها، رغم إنها عارفة إن الصح مش كده!

لكن على كل حال، المنشور ده هيكون تعليقات وردود على كلامها، وهحاول أكون خفيف!

 

أول حاجة بتتكلم عليها هي فكرة إن المسيحيين موحدين بالله

وإن قانون الإيمان أول حاجة فيها نؤمن بإله واحد!

 

طيب حلو أوي الكلام ده! يا ترى ممكن نكمِّل قراية قانون الإيمان ولا لأ؟!

هو قانون الإيمان ده بيتاخد كله على بعضه، ولا كفاية علينا أول سطر؟!

 

مش في كلام عن يسوع المسيح؟!

إنه مولود من الآب قبل كل الدهور

وإنه إله حق من إله حق، يعني أيه بأه الكلام ده؟! يعني كده اتنين؟!

 

طيب الجزء بتاع الروح القدس؟!

مش بيقول يُسجد له ويُمجَّد مع الآب والابن؟! يعني كده ثلاثة؟!

 

يغني بغض النظر إن فكرة التوحيد، وإن أحنا موحدين ديه ثقافة إسلامية!

لكن مش المفترض إني أضحك على الناس واستخدم كلمات هما بيستخدموها عشان أحسن صورتي قصادهم!

 

المسيحي مش مُوحِّد ولا حاجة، وفكرة التوحيد ديه إسلامية

المسيحي بيؤمن بالثالوث، وبيعبد الآب والابن والروح القدس

 

المسيحي في قانون الإيمان بيقول عن المسيح انه مولود من الآب قبل كل الدهور

والقرآن الكريم بيقول: لم يلد ولم يولد ولم يكن له كفواً أحد!

 

فكرة بأه الهجص الرخيص بتاع إن المسيحيين بيعبدوا ثلاثة!

ومش عايز أفكركم إننا بمُجرَّد قراية قانون الإيمان هنتأكد من ده فوراً

الابن إله حق من إله، والروح القدس يُسجد له ويُمجد مع الآب والابن!

وهل بعد كل ده مجرد إنك تقول: إله واحد آمين يبقى انت محيت كل إللي فات؟!

 

مش عايز أدوش دمغة الناس بموضوع الثالوث

والكلام عن جوهر إلهي واحد وثلاثة أقانيم، ويعني أقنوم وجوهر!

 

لكن باختصار وببساطة المسيحيين بيؤمنوا بالثالوث!

والثالوث معناه باختصار إن في ثلاثة حقيقيين المسيحي بيعبدهم!

 

المسيحي بيؤمن إن الآب هو الله، والابن هو الله، والروح القدس هو الله

لكن في نفس الوقت، الآب مش هو الابن، والآب مش هو الروح القدس، وهكذا

 

والمسيحي بيؤمن إن الابن مولود من الآب، وعشان كده بيتقال إنه إله حق من إله حق!

والمسيحي بيؤمن كمان إن الروح القدس مُنبثق من الآب، عشان كده يُسجد له ويُمجد مع الآب والابن!

يعني باختصار المسيحي مينفعش ينكر إنهم ثلاثة فعلاً، ثلاثة كعدد = 1 + 1 + 1 = 3!

سواء بأه هو بيؤمن إن الثلاثة دول جُوَّه بعض، أو مبيفارقوش بعض، مش فارقة!

لكن المهم إنهم ثلاثة، وإن المسيحي بيعبد الثلاثة! فمش عارف بأه برضه ده هيطلع هجص رخيص ولا لأ!

 

فكرة بأه عُبَّاد الصَّليب وعبادة الصليب!

أصل موضوع العبادة ده كبير جداً على فكرة، وللأسف المسيحية مش بتحدد أيه هي العبادة!

 

هل السجود تُعتبر عبادة ولا لأ عند المسيحيين؟!

يعني الكتاب المقدس بيقول: للرب إلهك تسجد وإياه وحده تعبد!

لو أنا سجدت للصليب، أو للكاهن، أو للأيقونة، أو للمذبح … يبقى انا بقدم لهم العبادة؟!

هل بكده أكون خالف نصوص الكتاب المقدس ولا لأ؟!

 

المشكلة إن المسيحيين معندهمش مفهوم واضح للعبادة أصلاً

لكن المسلمين عندهم مفاهيم واضحة للعبادة، وأيه هي العبادات

 

المسيحي بيخلي العبادة في القلب والنية بس!

يعني لو سجد للصليب، يقولك ده مش سجود عبادة، ده تكريم بس! يا راجل؟!

ولو سجد للقسيس أو الكاهن، يقولك ده مش للعبادة، ده تكريم بس! طيِّب!

 

المسيحي ميقدرش ينكر إن بيعمل حاجات هي في عُرف المسلمين تقديم عبادة لغير الله، ولما المسيحي بيقبل إن يسجد للصليب، ويعقد إن الصليب قوة الله للخلاص، ده بالنسبة لنا: عبادة!

 

ندخل بأه في مواضيع أقل شوية في الأهمية بالمُقارنة بموضوع الثالوث والعقيدة!

موضوع العبادة المسيحية، وكتاب الصلوات اللي اسمه الأجبية، مش هتكلم عنه كتير

لكن عايز أعرف بس، الأجبية ديه جبتوها منين؟ ومين إللي حددلكم الصلوات؟!

وياترى المسيح في العهد الجديد أو تلاميذه هما إللي حددوا الكلام ده؟ ولا ناس جُم بعديهم؟!

 

طيب فكرة إن المرأة تغطي شعرها في الكنيسة وهي بتصلي؟!

يعني الراجل المُجرم ده شوِّة صورة المسيحية عشان جابهم بيصلوا وشعرها مكشوف؟!

يعني لو كان جاب المسيحيات وهما حاطين على دماغهم منديل كان هيبقى حلو؟!

طيب هو الكتاب المقدس بيحدد المفروض نلبس أيه وقت الصلاة؟! ولا بس الموضوع تغطية شعر المرأة؟!

طيب لو في كتب مسيحية تانية بتحدد لبس المرأة بشكل تفصيلي، هل يا ترى بتنفذوا الكلام ده؟!

سيبك من الموضوع ده عشان يُعتبر أقل موضوع له أهمية في المنشور كله!

 

نجد في موضوع شُرب الخمر!

المُجرم المفتري بيطلع المسيحيين خمورجية!

 

لما مسيحي يقول إن الخمرة عندنا حرام مفيهاش جدال

بفتكر مشهد من فيلم كده واحد بيقول للتاني: هو انت اخترعت دين جديد؟!

 

السؤال هنا بأه: هي المسيحية أصلاً فيها فكرة حلال وحرام أصلاً؟!

يعني في موضوع الأكل والشرب تحديداً، في حاجة في المسيحية اسمها حلال وحرام؟!

إذا كان الكتاب المقدس بيقول إن أكل الخنزير حرام في العهد القديم

موقف المسيحي أيه من أكل لحم الخنزير؟! كل إللي بيربوا الخنزير مسيحيين!

 

لو جيت سألت واحد مسيحي عن موضوع لحم الخنزير هيقولك عادي!

مش بعيد يقولك: حلالٌ، حلالٌ، حلالٌ (المشهد من فيلم عادل إمام برضه!)

إنما لما تيجي تكلم المسيحي في موضوع الخمرة يقولك: حرام مفيهاش جدال! يا راجل؟!

 

سيبك من ده كله، وقولي كده على طقس التناول في الكنيسة

اوعى تضحك عليا وتقولي إن ده مش خبز وخمر، وخبز نبيذ، لكن مش خمرة!

مش فاهم أنا ليه المسيحيين حساسين أوي من موضوع الخمرة ده بالذات؟!

طيب بولس لما بيقول كل الأشياء تحل لي، مش ده معناه إن كل حاجة في الأكل والشرب حلال؟!

أنا عارف إن المسيحي بيختار إللي يناسبه، لكن ميجيش يضحك عليا ويقول حرااااام!

 

مشكلة الكتاب المقدس إنه بالنسبة لموضوع الخمر ده فيه الشيء وعكسه!

يعني لو عايز نصوص بتقول إن الخمرة وحشة، والناس الحلوة متشربوش … هتلاقي!

ولو عايز نصوص فيها الناس ليل ونهار بتشرب الخمر زي المياه … برضه هتلاقي!

 

يا راجل يا طيب، ده أول مُعجزة المسيح عملها في الإنجيل كان إنه حول المياه لخمر!

يعني لو الخمر حرام، يبقى المسيح نفسه ساعد في ارتكاب الحرام، وقدمه بنفسه!

والمسيح مكتوب عنه في الإنجيل إن الناس بتقول إنه: أكول وشريب خمر!

 

طبعاً كان في كلام عن: الزنا والنظافة والختان!

هعلق عليهم بسرعة جداً، عشان مكونش طوِّلت عليكم

 

أولاً أيوه الزنا حرام في المسيحية مفيش مشكلة

لكن المشكلة في المسيحية طبيعة تعاملها مع الذنوب والمعاصي أصلاً

 

يعني أيه الكلام ده؟!

يعني في المسيحية الزنا حرام، لكن لو زنيت هيحصل أيه يعني؟!

هل المسيحية بتحط عقوبة للزنا، ولا هنقول: اذهب ولا تُخطئ مرة أخرى؟!

 

طيب حتى لو الزنا خطية، وانا روحت اعترفت للكاهن، هيحصل أيه في الآخر؟!

يعني أيه أقصى حاجة ممكن تحصل لمسيحي وقع في خطية الزنا؟!

أنا بتكلم من ناحية عقوبة في الدنيا من الكنيسة، وبين عقوبة من ربنا في الآخرة!

 

فكرة عقيدة الصلب والفداء بشكل عام (موضوع كبير)

وفكرة إني أقدر أروح للكاهن عشان أعترف واحصل منه على المغفرة!

الفكرتين دول في الأساس هما إللي بيخلوا المسيحي بتهاون في المعاصي والذنوب!

 

طيب بالنسبة للنظافة؟ هل في المسيحية النظافة من الإيمان؟!

هل العبادة في المسيحية تستوجب طاهرة مثلاً؟! يعني أيه الدافع للناظفة؟!

 

فكرة إن المسيحي ممكن يبقى نظيف، بسبب إنه بيعمل زي كل البشر!

يعني الموضوع مُجرد إن ممكن تكون فطرته سليمة، وإنه مقتنع إن ده الصح!

لكن مش هتلاقي في المسيحية بشكل واضح فكرة الطهارة المُتعلِّقة بالعبادة بشكل عام!

يعني الموضوع عند المسلم مش نظافة، ده في حاجة اسمها طهارة، وإنه من أسس الدين عنده!

 

موضوع بأه إن المسيحيين بيختنوا الأولاد فده شيء ممكن يكون صح مش مشكلة

وإن العهد الجديد بيقول إن المسيح نفسه كان تم ختانه، فده كمان شيء صح مش مشكلة

ومش عايز أعلق على موضوع خاتن المسيح باعتباره الإله المتجسد نفسه! ما علينا من ديه!

لكن عايز أقول: لو المسيحيين بيختنوا الأولاد، بيعملوا كده ليه؟! عشان الكتاب بيقول لازم نختن الأولاد؟!

الختان في العهد القديم شيء مقدس، ولازم يتم ختان الأولاد الذكور كعلامة لاتباع الشريعة والوصايا

لكن فكرة العهد الجديد نفسها مُخالفة لفكرة اتباع الوصايا والشرائع، عشان كده المفروض المسيحيين بطلوا الختان!

ولو المسيحيين في مصر بيختنوا الأولاد الذكور، فده يُعتبر مُجرَّد عادات وتقاليد، مش عشان المسيحية بتقول بالختان!

 

وبختم بكلامي بأن فعلاً المُسلمين عليهم كلام عجيب جداً

يعني أيه بيبوسوا بعض في حفلة راس السنة، والكاهن بيدخل على العروسة الأول؟!

انا فاكر كويس أوي لما واحد زميلي في الجامعة، لما عرف إني مهتم بالمواضيع المسيحية سألني كده!

قالي: هو صحيح الكاهن بيدخل على العروسة الأول عند المسيحيين قبل العريس! هههههههه

لو المسلمين مُهتمين يدرسوا الأديان بشكل كويس، هيعرفوا يوجهوا الانتقادات في محلها!

وبدل ما نتكلم على المسيحية والمسيحيين بالباطل، هنقدر نقدم نقد علمي بأدب!

 

شكراً لكل ما شجعني على كتابة هذا المنشور!

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s